CV (Tərcümeyi-hal) Necə Hazırlanır?

Günümüzdə internet və ya üz-üzə olan iş müraciətlərində işəgötürən şəxsin tərcümeyi-halını, qabiliyyət və bacarıqlarını, əlaqədar olduğu sahəni, iş təcrübələri kimi bir çox fərdi məlumatı öyrənmək istəyir. Tərcümeyi-halın məqsədi işəgötürənin bizi daha yaxşı anlayıb tanıya bilməsini və zehnində təsəvvür edə bilməsini təmin etməkdir. Bu səbəbdən böyük bir diqqətlə hazırlanmalıdır. Məzun olduqdan sonra hazırlamaq əvəzinə, tərcümeyi-hal məzun olmamışdan əvvəl hazırlanaraq müraciət edilə biləcək vəziyyətə gətirilməlidir.

Tərcümeyi-hal hazırlayarkən diqqət edilməsi lazım olan bəzi məqamlar var. Fərd tərcümeyi-halını hazırlayarkən ilk növbədə 1 səhifədən az, 2 səhifədən çox olmamasına diqqət etməlidir. Yazı və orfoqrafiya qaydaları ön planda olmalıdır. Times New Roman və ya Arial yazı tərzi ilə 12 şrift ölçüsündə aydın yazılar yazılmalıdır. İşəgötürənin və müraciət edən şəxsin istədiyi və uyğun gördüyü vəzifəyə (pozisiyaya) uyğun olaraq tərcümeyi-hal hazırlanmalıdır. Eyni zamanda hər vəzifə üçün yeni bir tərcümeyi-hal seçilməlidir. Vəzifəyə aid olan qabiliyyət və məlumatlar tərcümeyi-halda yer almalıdır.

Tərcümeyi-hal üzərində yaxşı bir planlaşdırma aparılmalıdır, çünki işəgötürən əslində tərcümeyi-hala ilkin tanışlıq kimi baxır. Fərd özünü yaxşı ifadə etməli, şişirdilmiş məlumatlardan uzaq duraraq reallıq əsasında yazmalıdır. Tərcümeyi-halda yer alan əlaqə məlumatları doğru və aktual olmalıdır. Şəxs din və ya irq kimi gərəksiz məlumatlara yer verməməlidir. Tərcümeyi-hal qısa və məzmunlu olmalıdır. Əhəmiyyətli, vurğulayıcı və müəyyən olan açar sözlərin istifadə edilməsinə diqqət yetirilməlidir.

CV-də (Tərcümeyi-halda) Olmalı Olanlar

Fotoşəkil, ad və soyad, yaşayış ünvanı, mobil telefon nömrəsi, e-poçt ünvanı, doğum tarixi, hərbi xidmət haqqında məlumat, təhsil alınan məktəblər, iş təcrübələri, xarici dil, kompüter kimi mövcud bacarıq və qabiliyyətlər, hobbilər, sertifikatlar, tövsiyələr (referanslar).

Universitetdə Olarkən Karyera Üçün Nə Edilməlidir?

Əgər ixtisas təcrübə (staj) tələb edən bir ixtisasdırsa, mütləq təcrübə keçilməlidir. Şəxsi inkişaf təlimlərinə və seminarlara qatılaraq bilik əldə edilməlidir. Mütəxəssis olmaq istənilən sahə haqqında sertifikat və sənədlər alınmalıdır. Məktəb (universitet) tədbirlərində fəal iştirak təmin edilməlidir. Peşə ilə əlaqədar yeniliklər tez-tez izlənilməlidir.