Siqaretin Zərərləri

Dünyada insanların ölümünə səbəb olan ən böyük xəstəlik qan və damar xəstəlikləridir. Xərçəng, infarkt kimi hadisələr hər zaman insanları qorxutmuşdur. Siqaret çəkmək, siqaret vərdişinə sahib olmaq ürək və damar xəstəlikləri keçirmə ehtimalınızı artırır. Siqaretin verdiyi zərərlər barədə bu günə qədər bir çox açıqlamalar verilmiş və bir çox məqalələr dərc olunmuşdur. Siqaretin zərərləri mövzusunda olduqca çox araşdırma aparılmışdır.

Ancaq siqaretin insanlara birbaşa deyil, dolaylı yolla zərər verdiyi məsələsinin üzərində o qədər də çox dayanılmamışdır. Siqaret insanlara birbaşa zərər vermir. Müxtəlif xəstəliklərin və bədən funksiyalarının tam olaraq yerinə yetirilməməsi səbəbindən zərər verir.

Eyni zamanda siqaret çəkmək son dərəcə yüksək asılılıq yaradan bir vərdişdir. Daha əvvəl heç siqaret çəkməmiş fərdlərin siqaretə və siqaretin zərərlərinə qarşı özünü qoruması asandır. Ancaq siqaret asılısı olan və hər gün ən azı bir qutu siqaret çəkən bir fərdin siqaret vərdişini tərgitməsi asan olmayacaqdır. Siqaret vərdişindən xilas olmaq yüksək iradə tələb edir. Siqareti tərgitmək üçün ilk növbədə siqaretin zərərləri haqqında məlumat sahibi olmağınız lazımdır.

Siqaretin zərərləri nələrdir?

Xüsusilə yeməkdən sonra siqaret çəkmək çox yüksək bir asılılıqdır. Ancaq zövq üçün çəkilən siqaretin zərərləri olduqca çoxdur. Maddi cəhətdən sizə zərər verən siqaret, həyat standartlarınızı aşağı salır və həyat keyfiyyətinizi əlinizdən alır. Eyni zamanda ölümcül xəstəliklərə tutulmanızı asanlaşdırır.

• Hamilə qadının siqaret çəkməsi körpədə əqli geriliyə səbəb olur.
• Siqaret sətəlcəm, bronxit, astma xəstəliklərinə və digər tənəffüs sistemi xəstəliklərinə yol açır.
• Siqaret xroniki obstruktiv ağciyər xəstəliyinin (XOAX) inkişafına səbəb olur.
• Siqaret çəkmək ürək və damar xəstəliklərinə səbəb olur.
• Siqaret dişlərin saralmasına, diş əti xəstəliklərinə, diş çürüməsinə və diş itkisinə yol açır.
• Siqaret həzm sistemi xəstəliklərinə səbəb olur.
• Siqaret zəif dırnaqlara və dırnaq saralması narahatlıqlarına səbəb olur.
• Siqaret iştahasızlıq yaradır.
• Siqaret damar tıxanmasına səbəb olur; damar tıxanması siqaret çəkən fərdlərdə tez-tez görülən bir problemdir.
• Siqaret dəri, dodaq, qırtlaq və bir çox xərçəng növünə yol açır.
• Siqaret beyin hüceyrələrinə zərər verir, bu da Alzheimer və demans kimi xəstəliklərə yol açır.
• Siqaret beyin hüceyrələrini öldürərək unutqanlığa səbəb olur.
• Siqaret qoxubilmə duyğusuna mənfi təsir edir.
• Siqaret sonsuzluğa yol açır.
• Siqaret göz xəstəliklərinə və dolaylı olaraq korluğa səbəb ola bilər.
• Siqaret menopauzanın erkən başlamasına səbəb olur.

Eyni zamanda siqaret çəkən fərdlərin qoxubilmə duyğusu pozulur. Artıq əvvəlki kimi yaxşı qoxu ala bilmirlər. Bu səbəbdən siqaretin onların üzərində və ağızlarında yaratdığı o pis qoxunun fərqinə vara bilmirlər. Bu qoxu, sosial həyatlarında və şəxsi həyatlarında insanlarla olan ünsiyyətlərinə mənfi təsir göstərir. Xüsusilə siqaret çəkməyən və istifadə etməyən fərdlər siqaret qoxusundan çox narahat olurlar.

Siqaret vərdişi yüksək asılılıq yaradan bir vərdişdir. Daha əvvəl heç siqaret istifadə etməyən fərdlərin heç bir şəkildə siqareti sınamamaları və test etməmələri lazımdır. Yeməkdən sonra, yatmazdan əvvəl, hər hansı bir işə fasilə verildikdə siqaret vərdişinə sahib olan fərdlərin bədəni avtomatik olaraq siqaret çəkmək istəyəcəkdir.

Bunun əsas səbəbi, insanların zövq almasına səbəb olan və insanlarda öz-özünə ifraz olunan Dopamin hormonunun yerini siqaretin almasıdır. Buna görə də siqaret çəkən və bu vərdişə sahib olan fərdlərin böyük əksəriyyəti stres və əsəbi olma vəziyyətinə qarşı siqaretin yaxşı təsir etdiyini iddia edirlər. Ancaq bu insanlar yanılırlar. Siqaretin bədəndə Dopamin kimyəvi maddəsinin yerinə keçməsi fərdin həyat keyfiyyətini aşağı salır və onu əsl mənada asılı birinə çevirir.

Siqaret vərdişindən necə xilas ola bilərəm?

İlk növbədə özünüzü aldatmamalısınız. Bir çox fərd çəkdiyi siqaretin sayını azaldaraq siqareti tərgitdiyini iddia edir. Bu, siqaret asılısı olan fərdlərin tez-tez yaratdığı bir bəhanədir. Çəkilən siqaretlərin sayının azaldılması siqareti tərgitmək demək deyil. Buna görə də özünüzü aldatmayın. Siqareti tərgitmək yüksək bir iradə gücü tələb edir. Buna görə iradənizi gücləndirməyiniz lazım gələcək. Siqareti tərgitmək üçün ona asanlıqla çata bilməməyiniz lazımdır. Məsələn, işdən evə gələrkən siqaret qutunuzu maşında qoya bilərsiniz. Beləliklə, ürəyiniz siqaret istədiyi zaman maşının yanına getmək əvəzinə siqaret istəyindən imtina edə bilərsiniz. Ürəyiniz hər siqaret istədiyində balqabaq tumu, noxud (ləbləbi) yeyərək bu istəyin keçmə müddətini adlaya bilərsiniz. Kənardan bu mövzu haqqında kömək ala bilərsiniz.